Zerur resminamalaryň sanawy:

1. Arza (Ilçihanada doldurylýar);
2. Aradan çykanyň we ýüz tutujynyň Zagran pasporty — asyl nusgasy we göçürmesi;
3. Aradan çykanyň we ýüz tutujynyň Içerki pasporty — asyl nusgasy we ähli sahypalarynyn göçürmesi;
4. Aradan çykanyň we ýüz tutujynyň Koreýa Respublikasynyň rezidentlik karty (ID) — asyl nusgasy we göçürmesi;
5. Koreýa Respublikasynyň lukmançylyk edarasy ýa-da ygtyýarly edarasy tarapyndan berlen Ölüm baradaky kepilnama, ol:

• rus diline terjime edilip, notarial taýdan tassyklanan bolmaly;
• soňra Koreýa Respublikasynyň Daşary işler ministrliginde (Overseas Koreans Agency / Ministry of Foreign Affairs) tassyklanan bolmaly.

Lukmançylyk edarasyndan daşarda ýa-da tebigy däl esaslar sebäpli ýogalan halatynda goşmaça tabşyrylmaly resminamalar:

• Ölümiň ýagdaýlary we güman edilýän sebäpleri görkezilen Koreýa Respublikasynyň polisiýa edarasynyň resmi teswirnamasynyň nusgasy, ol:

• rus diline terjime edilip, notarial taýdan tassyklanan bolmaly;
• soňra Koreýa Respublikasynyň Daşary işler ministrliginde (Overseas Koreans Agency / Ministry of Foreign Affairs) tassyklanan bolmaly.

* Zerur bolan halatynda goşmaça resminamalar talap edilip bilner.

Hökmany öňünden hasaba durmak

Ilçihana gelmezden ozal her bir ýüz tutýan Türkmenistanyň raýaty - Onlaýn konsullyk hasaba alyş ulgamynda hasaba durmalydyr: https://consular.tmembassy.gov.tm/tk

Ozal durlan bolsa gaýtadan durmak zerur däl.

Resminamalary tabşyrmagyň tertibi:

Resminamalar diňe öňünden ýazylmak esasynda kabul edilýär. Ýazylmak telefon arkaly amala aşyrylýar: +82-2-796-9975.

Her bir aýratyn konsulluk meselesi boýunça - aýratyn tabşyrmak

Egerde ýüz tutýan raýat bir günde birnäçe konsullyk meselesi boýunça resminama tabşyrmak üçin ýazylan bolsa, onda her bir aýratyn mesele boýunça aýratyn resminamalaryň (şol sanda olaryň nusgalarynyň) toplumy tabşyrylmalydyr.

Serediliş möhleti: 3–10 iş güni