Türkmenistanyň Prezidentiniň saýlawlary boýunça dalaşgärler bellige alyndy

Türkmenistanyň Prezidentiniň saýlawlary boýunça dalaşgärler bellige alyndy

2016-njy ýylyň 25-nji dekabrynda Merkezi saýlaw toparynyň mejlisi geçirildi we Türkmenistanyň Senagatçylar we telekeçiler partiýasy tarapyndan hödürlenilen, “Rysgal” paýdarlar täjirçilik bankynyň müdiriýetiniň başlygy Bekmyrat Sähetmyradowiç Atalyýew; Türkmenistanyň Agrar partiýasy tarapyndan hödürlenilen, Türkmenistanyň Agrar partiýasynyň Mary welaýat komitetiniň başlygy Durdygylyç Orazow; raýatlaryň teklipçi topary tarapyndan hödürlenilen, Türkmenistanyň Azyk senagaty döwlet birleşiginiň başlygynyň orunbasary Maksat Kowusowiç Annanepesow 2017-nji ýylyň 12-nji fewralynda geçiriljek Türkmenistanyň Prezidentiniň saýlawlary boýunça dalaşgärlige bellige alyndy. Dalaşgärlere Merkezi saýlaw toparynda şahsyýetnama gowşuryldy.

Bu çärä Merkezi saýlaw toparynyň agzalary, Türkmenistanyň Senagatçylar we telekeçiler partiýasynyň, Türkmenistanyň Agrar partiýasynyň başlyklary, raýatlaryň teklipçi toparynyň ýolbaşçysy gatnaşdylar. Dalaşgärleri bellige almak möwsümi 2016-njy ýylyň 24-nji dekabryndan 2017-nji ýylyň 17-nji ýanwary aralygynda dowam edýär.